Il fuoco raccontato dal piromane e dalle vittime.
The fire told by the pyroman and the victims
Testo e musica di Pippo Barrile
lyrics
Nun ci pensu no sugnu malatu,
nun ci pensu no sugnu dannatu.
Nun ci pensu ‘o dannu chi vaju a fari (1)
quannu a smania mi veni d’addumari (2).
C’è lu tempu giustu ‘sta matina,
m’a fazzu ‘sta bedda passiatina (3).
Suli chi spacca e di sciroccu ventu.
L’aju ‘a fari (4) pi forza, è u mé turmentu.
‘Nta dda (5) fiamma brucia lu mé focu,
cu lu fumu accumenza lu mé jocu.
E dda braci addiventa ‘na matita,
iò cci fazzu u disegnu da mé vita.
Focu, chi bellu lu focu, chi bellu
Focu, ci ridu a lu focu, ci abballu
Focu, m’ascialu (6) a bruciari la vita
Focu, m’abbasta un prospiru ‘nte jita (7)
Sugnu n’arbulu (8) di centu e centu anni,
‘nta mé longa vita n’aju visti danni.
Ora ‘nta lu ‘nfernu soffru marturiatu,
ristirà di mia sulu un cippu abbruciatu.
Iò cantava aceddu supra dda jinestra (9)
e bivia u sirinu (10) era tuttu ’n festa.
Ora gridu forti e nuddu (11) mi senti,
quannu scruscia (12) u focu a mé vuci è nenti.
Sulu cinniri ristau supra ‘sta terra,
ca mi pari hiroshima dopu a ranni guerra.
Tutti i culura cchiù nun viru (13),
c’è sulu ‘a morti cu sò mantu niru.
Focu, nni faci lu focu spaventu
Focu, nni duna lu focu u turmentu
Focu, camina e nni pigghia la vita
Focu, un soffiu i ventu ‘ntra li jita
(1) vaju a fari: farò (2) addumari: accendere (3) m’a… passiatina: me la faccio questa bella passeggiatina (4) l’aju a fari: lo devo fare (5) ‘nta dda: in quella (6) m’ascialu: mi diverto (7) un prospiru ‘nte jita: un cerino fra le dita (8) sugnu n’arbulu: sono un albero (9) aceddu… jinestra: uccello su quella ginestra (10) u sirinu: la rugiada (11) nuddu: nessuno (12) scruscia: rumoreggia (13) cchiù nun viru: più non vedo
The six swinging afrobeat songs on the latest from Kweku of Ghana celebrate the coastal suburb in Accra where he grew up. Bandcamp New & Notable Feb 28, 2022
30 tunes from the Tru Thoughts crew (incl. Quantic, Alice, Seshen, etc.) for less than the cost of a bag of fish-n-chips. Bandcamp New & Notable Mar 30, 2015